शिल्पा शेट्टी ४६ वर्षकी भए पनि सौन्दर्य र फिटनेसको मामिलामा उनी अझै सक्रिय रहेकी छिन् । बलिउडमा लामो ब्रेक लिएकी शिल्पा केही महिनाअघि ‘हंगामा २’ मा देखिएकी थिइन् ।

लामो समयपछि बलिउडमा फर्किएकी शिल्पा पुन: अभिनयको क्षेत्रमा सक्रिय भएकी छिन् । शिल्पा अब डिजिटल डेब्यु गर्न लागेकी छिन् । उनी रोहित शेट्टीको वेबसिरिज ‘इन्डियन पुलिस फोर्स’को हिस्सा हुनेछिन् । यसमा सिद्धार्थ मल्होत्रा ​​मुख्य भूमिकामा छन् । अब शिल्पा पनि रोहितको कप युनिभर्सको एक हिस्सा हुनेछिन् ।

रोहित शेट्टी पनि यही सिरिजबाट डिजिटल डेब्यु गर्दैछन् । उनले अमेजन प्राइम भिडियोको लागि ८-एपिसोडको हाई ओक्टेन एक्शन सिरिज बनाउँदैछन् । यसको छायांकन सुरु भैसकेको छ ।