नेपालमा आज (आइतबार) सुनको मूल्य ४०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु १ लाख ५०० रुपैयाँ रहेकोमा शुक्रबार रु १ लाख ९०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख रहेकामा शुक्रबार प्रतितोला रु १ लाख ४०० मा कारोबार भएकोे थियो । यसैगरी आज चाँदीको मूल्य भने स्थिर रहँदै शुक्रबारको मूल्य अनुसार नै कारोबार भएको छ । शुक्रबार चाँदी प्रतितोला रु एक हजार ३६० मा कारोबार भएको थियो ।

सुनको मूल्य गत फागुन २३ गते १ लाख ५ हजार ५०० रुपैयाँ पुग्दै कीर्तिमान बनाएको थियो । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा भने सुन प्रतिऔंस १ हजार ९३१ दशमलव ९६ अमेरिकी डलरमा कारोबार भइरहेको छ ।