नवकान्तिपुर संवाददाता
काठमाडौं, ११ वैशाख ।
संविधानसभा सदस्य तथा पूर्व राज्यमन्त्री डा डिम्पलकुमारी झाको निधन भएको छ । आज(आइतबार) बिहान क्यान्सर रोगबाट पीडित झाको काठमाडौँको रानीबारीस्थित निवासमै निधन भएको हो ।
झा हाल लोकतान्त्रिक समाजवादी पार्टी (लोसपा)बाट मधेश प्रदेशको प्रदेशसभा सदस्य थिइन् । लोसपाका नेता एवं पूर्वमन्त्री अनिल कुमार झाकी पत्नी हुन् । उनी दुई वर्षदेखि क्यान्सरबाट पीडित थिइन् ।
करिब दुई महिना अघिदेखि भक्तपुर क्यान्सर अस्पतालमा उनको उपचार भइरहे पनि पछिल्लो समय चिकित्सको सल्लाहमा घरमै रेखदेख भइरहेकामा आज बिहान निधन भएको लोसपाका केन्द्रीय कार्यकारिणी सदस्य केशव झाले जानकारी दिए ।
