नवकान्तिपुर संवाददाता
काठमाडौं, १५ वैशाख ।
नेपाली काँग्रेसबाट काठमाडौं महानगरपालिकामा मेयरकी उम्मेदवार बनेकी सिर्जना सिंहले आफ्ना योजनासहितको संकल्प पत्र सार्वजनिक गरेकी छिन् । आज(बिहीबार) मेयरकी उम्मेदवार सिंहले संकल्प पत्र सार्वजनिक गरेकी हुन् ।
उनले सात ‘स’ को संकल्प व्यक्त गरेकी छिन् । उनको संकल्प पत्रमा सेवा र सुशासन, स्वास्थ्य, शिक्षा तथा सामाजिक सुरक्षा, स्वच्छ, सफा दिगो पर्यावरण, सुरक्षित सहर, संस्कृति, सम्पदा र सुरक्षा, सबल र समुन्नत पूर्वाधार र सबल युवा, स्वावलम्बी महिला, सिर्जनशील महानगर लगायतका विषय समेटिएको छ ।
नेपाली काँग्रेसले काठमाडौँ महानगरपालिकाको मेयर उम्मेदवारमा सिर्जनालाई अघि सारेको हो । सिर्जना काँग्रेस नेता प्रकाशमान सिंहकी पत्नी हुन् ।
