देशका विभिन्न स्थानबाट मृत अवस्थामा ३ जना फेला परेका छन् । इलाम, माई नगरपालिका-७ खैरेनी बस्ने ७५ वर्षीया टिका माया लिम्बु सोही ठाउँस्थित माई खोला र तमाखे खोलाको दोभानको पानीमा मंगलबार मृत अवस्थामा फेला परेकी हुन् ।

त्यस्तै सुनसरी, कोशी गाउँपालिका-४ स्थित नालीमा सोही गाउँपालिका-७ हरिपुर बस्ने ४५ वर्षीय सुनिल मुखिया मंगलबार मृत अवस्थामा फेला परेका छन् ।

त्यसैगरी महोत्तरी, गौशाला नगरपालिका-१ रामनगरस्थित सागरनाथ वन विकास प्रयोजना अन्तर्गतको जंगलमा हाल नाम, थर, वतन नखुलेकी अन्दाजी ३५ वर्षीया महिला मृत अवस्थामा सोमबार फेला परेकी छिन् । घटनाका सम्बन्धमा प्रहरीले थप अनुसन्धान गरिरहेको छ ।