नवकान्तिपुर संवाददाता
काठमाडौं, २१ वैशाख ।
पछिल्लो चौबीस घण्टामा नेपालमा १९ जनामा कोरोना भाइरसको संक्रमण पुष्टि भएको छ भने १ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ३ हजार ८२१ जनाको नमूना परीक्षण गरिएको थियो । जसमा २ हजार ३७३ जनाको पीसीआर परीक्षण गर्दा १९ जना र १ हजार ४४८ जनाको एन्टिजेन परीक्षण गर्दा कसैमा पनि कोरोना पुष्टि भएको छैन ।
त्यस्तै, चौबीस घण्टामा कोरोनाका कारण १ जनाको मृत्यु भएको छ । नेपालमा हाल मृत्यु हुनेको संख्या ११ हजार ९५२ पुगेको मन्त्रालयले जनाएको छ । यस्तै आज १८ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ६६ हजार ७१५ जना पुगेको छ ।
नेपालमा हाल सक्रिय संक्रमितको संख्या २१७ रहेको छ । यससँगै देशभर कोरोना संक्रमितको कुल संख्या पीसीआर विधिबाट ९ लाख ७८ हजार ८८४ र एन्टिजेन विधिबाट १ लाख ४० हजार १९६ जना पुगेको छ ।
