नवकान्तिपुर संवाददाता
काठमाडौं, २२ वैशाख ।
नेकपा माओवादी केन्द्रबाट भरतपुर महानगरपालिकामा मेयरका उम्मेदवार बनेकी रेनु दाहालले आफ्नो कार्यकालमा गर्व गर्न लायक कामहरु गरेको बताएकी छिन् । आज(बिहीबार) सत्ता गठबन्धनले भरतपुरमा आयोजना गरेको आमसभामा सम्बोधन गर्दै उनले यस्तो बताएकी हुन् ।
उनले विपक्षीहरुका अगाडि शिर झुकाउनु नपर्ने गरी आँखामा आँखा जुधाएर गर्व गर्न लायक काम गरेको दावी गरेकी हुन् । उनले भनिन्, ‘विगत ५ वर्षमा विपक्षीहरुका अगाडि शिर झुकाउनु नपर्ने गरी आँखामा आँखा जुधाएर गर्व गर्न लायक काम गर्दै भरतपुरलाई गर्व गर्ने ठाउँमा पुर्याएका छौं ।’
त्यस्तै उनले महानगरमा थुप्रै विकासका कामहरु सुरु गरेको भन्दै आफू पुन: निर्वाचित भए ति कामहरु पूरा गर्ने बताईन् । ‘हामीले पूर्वाधार क्षेत्रमा कास्टिङ देखाएका छौ । अब पुरै फिल्म देखाउँछौ’, दाहालले भनिन् ।
