नवकान्तिपुर संवाददाता
काठमाडौं, २५ वैशाख ।
बलिउड अभिनेत्री नुसरत भारुचा यतिबेला आफ्नो आगामी फिल्म ‘जनहितमा जारी’ लाई लिएर चर्चामा छिन् । चलचित्र सामाजिक सन्देशमा आधारित छ । फिल्मको धमाकेदार ट्रेलर सार्वजनिक भएको छ । यस फिल्ममा नुसरत कण्डम बेच्ने सेल्सगर्ल बनेकी छिन् ।
ट्रेलरमा नुसरतले पैसाको बाध्यतामा कण्डम बेच्ने मजदुरी गरेको देखाइएको छ । तर पछि उनले समाजका मानिसहरुको सोच बदल्ने निर्णय गर्छिन् । यही कामका कारण नुसरतले ससुरा घरमा पनि धेरै समस्या झेल्नु परेको छ ।
चलचित्रलाई जय बसन्तु सिंहले निर्देशन गरेका हुन् । फिल्ममा नुसरतका अलावा विजय राज, ब्रजेन्द्र काला, परितोष त्रिपाठी र विक्रम कोचर पनि देखिनेछन् । चलचित्र ‘जनहितमा जारी’ जुन १० मा हलमा रिलिज हुँदैछ ।
ट्रेलर :
