सङ्खुवासभाको मादी नगरपालिकामा नेकपा (एमाले)का उम्मेदवार विजयी भएको छन् । मादी नगरपालिका मेयरमा एमालेका जीवन लिङ्थेपले चार हजार ३३१ मत ल्याएर विजयी भएका छन् ।
आज दिउँसो सार्वजनिक अन्तिम मतपरिणामअनुसार मेयर लिङथेपले १६ सय ५५ मत अन्तरले माओवादी केन्द्रका दावाछत्र शेर्पालाई पराजित गरेका छन् । उनका निकतम प्रतिद्वन्द्वी गठबन्धन तर्फबाट मेयर उम्मेदवार शेर्पाले दुई हजार ६७६ मत मात्र ल्याएका छन् ।
त्यस्तै, उपमेयरमा एमालेकै सुनितादेवी भट्टराई विजयी भएका छन् । कांग्रेसका शेर्पालाई ८८२ मत अन्तरले पछि पार्दे भट्टराई उपमेयर पदमा विजयी भएका छन्। उपमेयर भट्टराईले चार हजार ११० मत ल्याएर विजयी भएका हुन् । उनका निकटम प्रतिद्वन्द्वी नेपाली कांग्रेसका पासाङ शेर्पाले तीन हजार २२८ मत पाएका छन् । मादी नगरपालिकामा यसअघि मेयर उपमेयर नै एमालेले जितको थियो ।
