चितवन भरतपुर महानगरपालिकाकी मेयर रेनु दाहाल सवार गाडी दुर्घटना परेको छ । आज (शुक्रबार) दिउँसो ललितपुरको जाउलाखेलमा रेनु सवार गाडी दुर्घटनामा परेको हो ।

दुर्घटनामा परी रेनुको टाउकोमा चोट लागेको छ । प्रदेश ३–०१–०२३ च ७३१८ नम्बरको गाडी टायर पञ्चर भएपछि गाडी विद्युतको पोलमा गएर ठोक्किएको थियो । दुर्घटनाबाट गाडीको एक भागमा नराम्ररी क्षति पुगेको छ । काम विशेषले बाहिर जाने क्रममा गाडी दुर्घटनामा परेको हो ।

रेनुको ललितपुरको सुमेरु अस्पतालमा उपचार जारी रहेको र उनको सिटी स्क्यान गर्दा घाउ बाहिरी छालामा मात्र लागेको उनकी बहिनी गंगा दाहालले जानकारी दिइन् । त्यस्तै उनले रेनुको डिस्चार्ज गर्न लागिएको जानकारी दिएकी छिन् ।