नवकान्तिपुर संवाददाता
काठमाडौं, २२ जेठ ।
रेड चिल्ली इन्टरटेनमेन्टले मेगास्टार शाहरुख खान अभिनित एक एक्शन मनोरञ्जनात्मक फिल्म ‘जवान’ घोषणा गरेको छ । यो फिल्मलाई एट्लीले निर्देशन गर्दैछन् ।
फिल्ममा उच्च ओक्टेन एक्शन दृश्यहरू सहित भारतीय सिनेमाको प्रतिभा पनि देख्न सकिन्छ । एट्लीले साउथमा धेरै सफल ब्लकबस्टर फिल्म दिएका छन् । जसमा ‘राजा रानी’, ’थेरी’, ‘मेर्सल’ र ‘बिगिल’ जस्ता फिल्महरू समावेश छन् । अब एट्ली बहुप्रतिक्षित ‘जवान’ मा आफ्नो जादू फैलाउन तयार छन् ।
केही समयदेखि फिल्मको चर्चा चलेको थियो तर अब सबै अनुमानलाई पूर्णविराम लगाउँदै शाहरुख खानलाई घायल र ब्यान्डेजले बेरेको अवस्थामा देखाइएको टिजर भिडियो युनिटमार्फत फिल्मको घोषणा गरिएको छ । फिल्मको फर्स्ट लुकले टोन सेट गर्छ । यो फिल्म हिन्दी, तमिल, तेलुगु, मलायालम र कन्नड गरी पाँच भाषामा जुन २, २०२३ मा विश्वभरका सिनेमाघरहरूमा रिलिज हुनेछ।
फिल्मको बारेमा कुरा गर्दै शाहरुख खानले भने, ‘जवान एक विश्वव्यापी कथा हो जुन भाषा, भूगोलभन्दा बाहिर छ र सबैको रमाइलोको लागि हो। यो अनौठो फिल्म बनाउनुको श्रेय एट्लीलाई जान्छ, जुन मेरो लागि यो उत्कृष्ट अनुभव पनि हो किनकि मलाई एक्शन फिल्म मनपर्छ। टिजरले सुरुवात मात्रै रहेको र यसले आउने समयझलक दिनेछ।’
‘जवान’ बनाउने बारे कुरा गर्दै निर्देशक एट्लीले भने, ‘जवानसँग सबैका लागि केही न केही हुन्छ, चाहे त्यो एक्शन होस्, इमोशन होस्, ड्रामा होस्, सबैलाई भिजुअल ट्रीट बनाउनको लागि एकसाथ बुनेको हुन्छ। म दर्शकहरूलाई एउटा असाधारण अनुभव दिन चाहन्छु, एउटा घटना जुन उनीहरू सबैले सँगै रमाइलो गर्न सकून् र यसअघिको जस्तो प्रस्तुति दिने शाहरुख खान भन्दा राम्रो अरु को हुन सक्छ।’
टिजर –
