नेपालमा आज (सोमबार) सुनको मूल्य ३०० रुपैयाँले घटेको छ । साताको पहिलो दिन हिजो सुनको मूल्य १५०० रुपैयाँले बढेको थियो । स्थानीय बजारमा आज छापावाल सुनको मूल्य प्रतितोला रु ९८ हजार ९०० रहेकोमा आइतबार रु ९९ हजार २०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९८ हजार ४०० रहेकामा आइतबार प्रतितोला रु ९८ हजार ७०० मा कारोबार भएकोे थियो । यसैगरी आज चाँदीको मूल्य भने आइतबारको मूल्य भन्दा १५ रुपैयाँ घट्दै रु एक हजार २६५ कारोबार भएको छ । आइतबार चाँदी प्रतितोला रु एक हजार २८० मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुनको मूल्य प्रतिऔंस १ हजार ८६२ दशमलव ८९ डलर पुगेको छ ।