नवकान्तिपुर संवाददाता
काठमाडौं, ३१ जेठ ।
नेपालमा आज (मंगलबार) सुनको मूल्य १८०० रुपैयाँले घटेको छ ।स्थानीय बजारमा आज छापावाल सुनको मूल्य प्रतितोला रु ९७ हजार १०० रहेकोमा सोमबार रु ९८ हजार ९०० मा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९६ हजार ६०० रहेकामा सोमबार प्रतितोला रु ९८ हजार ४०० मा कारोबार भएकोे थियो । यसैगरी आज चाँदीको मूल्य भने सोमबारको मूल्य भन्दा २० रुपैयाँ घट्दै रु एक हजार २४५ कारोबार भएको छ । सोमबार चाँदी प्रतितोला रु एक हजार २६५ मा कारोबार भएको थियो ।
महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुनको मूल्य प्रतिऔंस १ हजार ८६२ दशमलव ५ डलर पुगेको छ ।
