नवकान्तिपुर संवाददाता
काठमाडौं, ११ असार ।
बलिउड अभिनेता आमिर खानको फिल्म ‘लाल सिंह चड्ढा’ को फ्यानहरु उत्सुकताका साथ पर्खिरहेका छन् । फिल्मको ट्रेलरले राम्रो प्रतिक्रिया पाइरहेको बेला अहिले यो चलचित्रका गीतहरु रिलिज हुँदैछन् ।
फिल्म ‘लाल सिंह चड्डा’ को बहुप्रतिक्षित गीत ‘फिर ना ऐसी रात आएगी’ सार्वजनिक भएको छ । प्रीतमको संगीत रहेको यस गीतमा अरिजित सिंहको आवाज रहेको छ । हालै आमिर खानले सामाजिक सञ्जालमा करीना कपूर खानको एउटा भिडियो सेयर गरेका छन् जसमा करीनाले फिल्मको ‘फिर ना ऐसी रात आएगी’ गीत दशककै उत्कृष्ट गीत भएको बताएकी छन् ।
यसैबीच, ‘लाल सिंह चड्डा’का अन्तिम दुई गीत- ‘कहानी’ र ‘मेँ की करन?’ संगीत प्रेमीहरुको मन छोएको छ । चलचित्रका निर्माताले गायक, संगीतकार, प्राविधिक र गीतकारलाई चर्चामा राखेर म्युजिक भिडियो बिना दुवै गीत सार्वजनिक गरेका हुन् । आमिर खान प्रोडक्सन, किरण राव र वायाकम १८ स्टुडियोद्वारा निर्मित ‘लाल सिंह चड्ढा’मा करीना कपूर खान, मोना सिंह र चैतन्य अक्किनेनी पनि रहेका छन् ।
भिडियो –
