नवकान्तिपुर संवाददाता
काठमाडौं, २३ असार ।
बलिउड अभिनेत्री आलिया भट्टले निर्माण गरेको फिल्म ‘डार्लिङ्स’ को टिजर सार्वजनिक भएको छ । उनी यसै फिल्मबाट निर्माताको रुपमा फिल्म निर्माणको क्षेत्रमा प्रवेश गरेकी हुन् ।
फिल्मको टिजर सस्पेन्सले भरिएको छ । टिजरमा आलिया भट्टले सर्प र बिच्छीको कथा सुनाएकी छिन् । टिजरमा आलियाका अलावा शेफाली शाह, रोशन म्याथ्यू र विजय वर्मा पनि देखिएका छन् । यो चलचित्रमा मध्यम वर्गीय परिवारको कथा देखाइनेछ । टिजर सस्पेन्स र थ्रिलरले भरिएको छ ।
फिल्मलाई आलियाको सनशाइन प्रोडक्सन हाउस र शाहरुख खानको रेड चिली प्रोडक्सन हाउसले संयुक्त रुपमा निर्माण गरेका हुन् । जसमित के रीनद्वारा निर्देशित फिल्मका लेखन जसमित र परवेज शेखले गरेका हुन् । यो फिल्म ओटीटी प्लेटफर्म नेटफ्लिक्समा आगामी अगस्ट ५ मा रिलिज हुनेछ ।
यस्तो छ टिजर :
