जबरजस्ती करणी गरेको अभियोगमा २ जना पक्राउ परेका छन् । १५ वर्षीया किशोरीलाई जबरजस्ती करणी गरेको अभियोगमा झापा, अर्जुनधारा नगरपालिका-७ मिलडाँडा बस्ने ४५ वर्षीय टेम्पा माली सतारलाई बिहीबार दिउँसो प्रहरीले पक्राउ गरेको छ ।

सतारले ती किशोरीलाई विभिन्न प्रलोभन देखाई आफ्नै घरमा पटकपटक जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय अनारमनीमाबाट खटिएको प्रहरीले सतारलाई पक्राउ गरेको हो ।

त्यस्तै १० वर्षीया बालिकालाई जबरजस्ती करणी गरेको अभियोगमा नुवाकोट, दुप्चेश्वर गाउँपालिका-२ पाङगर बस्ने १९ वर्षीय सुनिल तामाङलाई मंगलबार प्रहरीले पक्राउ गरेको छ । ती बालिकालाई ललाई फकाई गाउँको बाटो छेउमा रहेको पुरानो घरमा लगी तामाङले जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय नुवाकोटबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।