नवकान्तिपुर संवाददाता
काठमाडौं, ३ साउन ।
काठमाडौँको जोरपाटीमा डिप बोरिङ खन्ने क्रममा ग्यास निस्किएको छ । आज (मंगलबार) बिहान १०ः१० बजे बोरिङ खन्ने क्रममा ग्याससहित पानी मिश्रित बालुवा र माटोका कण निस्किएको हो ।
स्थानीय सन्तवीर लामाको घरमा बोरिङ खन्ने क्रममा लेदोसहित पानी र ग्यास निस्किएको हो । लामाको घरमा बोरिङ खन्ने क्रममा बालुवा र लेदोसहित ग्यास निस्किएको प्रहरी वृत्त बौद्धले जनाएको छ । बालुवा र लेदोसहित निस्किएको ग्यास करिब ५० मिटर माथिसम्म पुगेको छ ।
घटनाको वास्तविकता पत्ता लगाउनका लागि खानी तथा भूगर्भ विभागका अधिकारीहरूलाई बोलाइएको छ ।