नेपालमा आज (मंगलबार) सुनको मूल्य ६०० रुपैयाँले बढेको छ । स्थानीय बजारमा आज छापावाल सुनको मूल्य प्रतितोला रु ९६ हजार ९०० रहेकोमा सोमबार रु ९६ हजार ३०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९६ हजार ४०० रहेकामा सोमबार प्रतितोला रु ९५ हजार ८०० मा कारोबार भएकोे थियो । यसैगरी आज चाँदीको मूल्य सोमबारको मूल्य भन्दा ३५ रुपैयाँ बढ्दै एक हजार २४० मा कारोबार भएको छ । सोमबार चाँदी प्रतितोला एक हजार २०५ मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुनको मूल्य मूल्य प्रतिऔंस १ हजार १ हजार ७८५ दशमलव ७७ डलर पुगेको छ ।