पोखरा रंगशालामा शनिबार बिहान भएको दौडमा सन्तोषी श्रेष्ठले बागमती प्रदेशलाई एथलेटिक्सतर्फको पहिलो स्वर्ण पदक जिताएकी छन् । एथलेटिक्सतर्फ महिला १० हजार मिटरमा बागमती प्रदेशकी श्रेष्ठले स्वर्ण पदक जितेकी हुन् । उनी १३औं दक्षिण एसियाली खेलकुद (साग) की पनि स्वर्ण पदक विजेता हुन् ।

सन्तोषीले निर्धारित दूरी ३६ मिनेट १२.२९ सकेन्डमा पूरा गरेकी थिइन् । यस्तै, नेपाल पुलिस क्लबकी राजपुरा पछाईले रजत तथा सशस्त्र प्रहरी बलको एपिएफ क्लबकी पुष्पा भण्डारीले कास्य पदक जितेका छन् ।

असोज २८ मा उद्घाटन भएको नवौं राष्ट्रिय खेलकुद पोखरामा रंगशालामा जारी छ ।