नेपालमा आज (सोमबार) सुनको मूल्य २०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु ९४ हजार ३०० रहेकोमा आइतबार रु ९४ हजार ५०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९३ हजार ८०० रहेकामा आइतबार प्रतितोला रु ९४ हजारमा कारोबार भएकोे थियो । यसैगरी आज चाँदीको मूल्य पनि आइतबारको तुलनामा १० रुपैयाँले घट्दै एक हजार २६५ मा कारोबार भएको छ । आइतबार चाँदी प्रतितोला एक हजार २७५ मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ ।