कतार विश्वकपका लागि मेक्सिकोले राष्ट्रिय टिमको घोषणा गरेको छ । सोमबार मेक्सिकोले कतारमा आयोजना हुने फिफा विश्वकप फुटबलका लागि राष्ट्रिय टिम घोषणा गरेको हो ।

नोभेम्बर २० बाट सुरु हुने विश्वकपको लागि मेक्सिकोले २६ सदस्सीय राष्ट्रिय टोलीको घोषणा गरेको हो । विश्वकपमा मेक्सिको समूह ‘सी’ मा रहेको छ । यस समूहमा मेक्सिकोसहित अर्जेन्टिना, पोल्याण्ड र साउदी अरेबिया रहेका छन् ।

कतार विश्वकपमा मेक्सिकोको पहिलो खेल नोभेम्बर २२ मा पोल्याण्डविरुद्ध खेल्नेछ ।