देशका विभिन्न स्थानबाट मृत अवस्थामा ८ जना फेला परेका छन् । काठमाडौं महानगरपालिका-२६ मित्रनगरस्थित स्वर्गद्धारी गेष्ट हाउसमा विगत तीन दिनदेखि बस्दै आएकी रोल्पा मादी गाउँपालिका-७ घर भएकी ३४ वर्षीया अस्मिता पुन सुतेकै कोठामा मंगलबार मृत अवस्थामा फेला परेकी छिन् ।

त्यस्तै चितवन, इच्छाकामना गाउँपालिका-३ वरेक खोलामा हाल नाम, थर, वतन नखुलेका अन्दाजी २६ वर्षीय पुरुष मंगलबार मृत अवस्थामा फेला परेका छन् । यता कन्चनपुर, भिमदत्त नगरपालिका-१२ उन्नतिटोल बस्ने २२ वर्षीय प्रेम बिष्ट मंगलबार आफ्नै कोठामा मृत अवस्थामा फेला परेका छन् ।

यस्तै काठमाडौं, महानगरपालिका-१६ माछापोखरी बसन्तनगर बस्ने झापा शिवसताक्षी नगरपालिका-९ घर भएका ४९ वर्षीय रुपनारायण तिवारी आफ्नै शौचालयमा मंगलबार मृत अवस्थामा फेला परेका छन् । त्यसैगरी सुनसरी, इटहरी उपमहानगरपालिका-६ खेतीखोला नजिक बस्ने धन बहादुर पौडेलको घरमा मोरङ सुनवर्सी नगरपालिका-१ बस्ने ३५ वर्षीय सेवन बिष्ट मंगलबार मृत अवस्थामा फेला परेका छन् । पौडेलको आफ्नै सालो नाता पर्ने विष्टको सुतेकै ठाउँमा शव फेला परेको हो ।

यता महोत्तरी, औरही नगरपालिका-८ भोइलस्थित खाली घरमा सोही ठाउँ बस्ने ५५ वर्षीय इन्द्र देव झा मंगलबार मृत अवस्थामा फेला परेका छन् । यसैगरी महोत्तरी, बर्दिवास नगरपालिका-५ ढुङग्रे गाउँ बस्ने ५० वर्षीय तिलानाथ गौतम आफ्नै घरदेखि करिब १ सय मिटर टाढा सार्वजनिक पोखरीमा सोमबार मृत अवस्थामा फेला परेका छन् ।

यस्तै धनुषा, जनकनन्दनी गाउँपालिका-१ इनर्वा रेलवेट्रेकदेखि करिब १ सय ५० मिटर टाढा खेतमा हाल नाम, थर, वतन नखुलेका करिब ५५ वर्षीया महिला मंगलबार मृत अवस्थामा फेला परेकी छन् । यस सम्बन्धमा प्रहरीले आवश्यक अनुसन्धान गरिरहेको छ ।