काठमाडौं महानगरपालिका-३१ ओम कारेश्‍वर मन्दिर नजिक डेरा गरी बस्ने धनकुटा नगरालिका-३ घर भएका २६ वर्षीय निश्चल राई आफ्नै कोठामा बुधबार मृत अवस्थामा फेला परेका छन् ।

त्यस्तै ललितपुर, महालक्ष्मी नगरपालिका-४ बोझेपोखरी डेरा गरी बस्ने रामेछाप खाँडादेबी गाउँपालिका-१ घर भएका ४१ वर्षीय कुमार श्रेष्ठ आफ्नै कोठामा बुधबार मृत अवस्थामा फेला परेका छन् । यता धादिङ, त्रिपुरासुन्दरी गाउँपालिका-६ गोलाङ बस्ने चितवन घर भएकी ३४ वर्षीया सुकमाया गोले सोही ठाउँस्थित धारामा बुधबार मृत अवस्थामा फेला परेकी छिन् ।

यस्तै सप्तरी, राजबिराज नगरपालिका-१५ मुसहरनियास्थित कोशी नहरमा हाल नाम, थर, वतन नखुलेका अन्दाजी ७० वर्षीय पुरुष बुधबार मृत अवस्थामा फेला परेका छन् । त्यसैगरी काठमाडौं, चन्द्रागिरी नगरपालिका-२ नागढुङ्गास्थित खाली चौरमा हाल नाम, थर, वतन नखुलेका करिब ४० वर्षीय पुरुष बुधबार मृत अवस्थामा फेला परेका छन् ।

यता सर्लाही, बागमती नगरपालिका-११ पुरानो चौकी भन्ने स्थानमा रौतहट चन्द्रपुर नगरपालिका-१ मंगलपुर बस्ने ५५ वर्षीय निल प्रसाद घिमिरे बुधबार मृत अवस्थामा फेला परेका छन् । यसैगरी सुनसरी, कोशी गाउँपालिका-२ स्थित आलुबारीमा हाल नाम, थर, वतन नखुलेका पुरुष गएराति मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।