देशका विभिन्न स्थानबाट मृत अवस्थामा ४ जना फेला परेका छन् । तनहुँ, भानु नगरपालिका-१० कालिमाटी बजारस्थित डुम्रे बेसीशहर सडकको नालामा अन्दाजी ६ महिनाको नवजात शिशु शनिबार मृत अवस्थामा फेला परेका छन् ।

त्यस्तै अछाम, पञ्चदेवल विनायक नगरपालिका-९ चिल्ताडास्थित कर्णाली नदीमा कालिकोट नरहरीनाथ गाउँपालिका-१ कोटवाडा बस्ने ३४ वर्षीय संजय बहादुर बिष्ट शनिबार मृत अवस्थामा फेला परेका छन् । यता काठमाडौं, बुढानिलकण्ठ नगरपालिका-३ डेरा गरी बस्ने मुस्ताङ घर भएका ४५ वर्षीय प्रेम गुरुङ आफ्नै कोठाभित्र शुक्रबार दिउँसो मृत अवस्थामा फेला परेका छन् ।

यस्तै बाँके, कोहलपुर नगरपालिका-१५ चौधरी गाउँस्थित भित्री सडकको कलर्वट तल सुख्खा जमिनमा सोही नगरपालिका-१५ प्रसेनीपुर बस्ने २४ वर्षीय हिक्मत थापा शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।