देशका विभिन्न स्थानबाट मृत अवस्थामा ९ जना फेला परेका छन् । काठमाडौं महानगरपालिका-८ तिलगंगा पोडेटोल बस्ने ३१ वर्षीय विनय पुजारी आफ्नै घरमा बुधबार मृत अवस्थामा फेला परेका छन् ।

यसैगरी, काठमाडौं, टोखा नगरपालिका-९ गोंगबुस्थित गल्लीमा हाल नाम, थर, वतन नखुलेका व्यक्ति बुधबार मृत अवस्थामा फेला परेका छन् । यता रामेछाप, लिखुतामाकोशी गाउँपालिका-५ धोबिडाँडामा सोही ठाउँ बस्ने ४६ वर्षीय गणेश नेपाली बिहीबार मृत अवस्थामा फेला परेका छन् ।

त्यस्तै तनहुँ, शुक्लागण्डकी नगरपालिका-४ हेल्थपोष्टस्थित आमा समूह भवन तथा चौताराको आड भवनमुनी सोही नगरपालिका-१० साँखे घर भएका ५१ वर्षीय गोविन्द विक मंगलबर मृत अवस्थामा फेला परेका छन् । यस्तै रूपन्देही, सिद्धार्थनगर नगरपालिका-८ कोल्डस्टोर चोक नजिक सडकको पेटीमा सोही नगरपालिका-१ बेलहिया घर भएकी ४० वर्षीया सुन्दरी हरिजन मंगलबार मृत अवस्थामा फेला परेकी छिन् ।

यता ओखलढुङ्गा, मानेभन्ज्याङ गाउँपालिका-३ पशुबगरस्थित दुधकोशी नदीको किनारमा हाल नाम, थर, वतन नखुलेका अन्दाजी ३६ वर्षीय पुरुष मंगलबार मृत अवस्थामा फेला परेका छन् । त्यस्तै मोरङ, बिराटनगर महानगरपालिका-४ स्थित नहर छेउमा हाल नाम, थर, वतन नखुलेका अन्दाजी ४५ वर्षीय पुरुष मंगलबार मृत अवस्थामा फेला परेका छन् ।

त्यसैगरी काभ्रे, पनौती नगरपालिका-४ बस्ने ४२ वर्षीय राजकुमार श्रेष्ठ सोही ठाउँस्थित पुन्यमाता खोलाको किनारमा बुधबार मृत अवस्थामा फेला परेका छन् । यता अर्घाखाँची, मालारानी गाउँपालिका-१ गुल्छेडीमा प्युठान मल्लारानी गाउँपालिका- १ लुक्कागैरा बस्ने ३२ वर्षीय खग बहादुर राहु मगर बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।