मकवानपुरमा स्कुटर दुर्घटना हुँदा ३ जनाको मृत्यु भएको छ । बिहीबार राति मकवानपुरको मनहरि गाउँपालिका–९ ज्यामिरे भलादमीचोकमा ना ३९ प १४३९ नम्मबरको स्कुटर दुर्घटना हुँदा ३ जनाको मृत्यु भएको हो ।

दुर्घटनामा परी मृत्यु हुनेहरुमा मनहरि गाउँपालिका–८ सिमपानीका ३२ वर्षीय धर्मराज मोक्तान, ३० वर्षीय मिलन मोक्तान र राक्सिराङ गाउँपालिका–३ लावतीका ३२ वर्षीय रुपेश तामाङ रहेको प्रहरीले जनाएको छ ।

दुर्घटनामा गम्भीर घाइते उनीहरूको चितवनको पुरानो मेडिकल कलेज भरतपुरमा उपचारका क्रममा मृत्यु भएको प्रहरी नायब उपरीक्षक टेकबहादुर कार्कीले जानकारी दिए । दुर्घटनाका बारेमा थप अनुसन्धान भइरहेको प्रहरी नायब उपरीक्षक कार्कीले बताए ।