देशका विभिन्न स्थानबाट मृत अवस्थामा ४ जना फेला परेका छन् । ओखलढुंगा, खिजिदेम्बे गाउँपालिका-६ बस्ने ६९ वर्षीय लाक्पा शेर्पा सोही ठाउँस्थित गोठमा शुक्रबार मृत अवस्थामा फेला परेका छन् ।

त्यस्तै दोलखा, मेलुङ गाउँपालिका-१ दियालेखर्क बस्ने ५१ वर्षीय कृष्ण बहादुर भुजेल सोही ठाउँस्थित कुलोमा शुक्रबार मृत अवस्थामा फेला परेका छन् । यता काठमाडौँ गोकर्णेश्वर नगरपालिका-६ जोरपाटी चामुण्डा मन्दिर नजिकै डेरा गरी बस्ने सिन्धुली कुशेश्वर दुप्चा गाउँपालिका-२ घर भएका ५२ वर्षीय सुशील भण्डारी आफ्नै कोठामा बिहीबार मृत अवस्थामा फेला परेका छन् ।

यस्तै डोल्पा, ठुलिभेरी नगरपालिका-१० कागेनी बस्ने २८ वर्षीय नरेश बिक सोही ठाउँस्थित फाक्चु खोलामा बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।