देशका विभिन्न स्थानबाट मृत अवस्थामा ७ जना फेला परेका छन् । भक्तपुर, भक्तपुर नगरपालिका-१० कमलबिनायक डेरा गरी बस्ने धनकुटा हिले नगरपालिका-१ घर भएका ५३ वर्षीय कुङ्गा छोसाङ लामा आफ्नै कोठामा सोमबार मृत अवस्थामा फेला परेका छन् ।

त्यस्तै झापा, अर्जुनधारा नगरपालिका-५ कञ्चनबारीस्थित नालीमा हाल नाम, थर, वतन नखुलेका अन्दाजी ३० वर्षीय पुरुष सोमबार मृत अवस्थामा फेला परेका छन् । यता भक्तपुर, सूर्यविनायक नगरपालिका-७ गुण्डुस्थित बाटो नजिकै कुलोमा सोही नगरपालिका-४ दधिकोट तर्कगाल बस्ने ५३ वर्षीय झलक बहादुर थापा सोमबार मृत अवस्थामा फेला परेका छन् ।

यस्तै सोलुखुम्बु, नेचासल्यान गाउँपालिका-३ बिहिबारे बजार बस्ने ४७ वर्षीय खिला कट्टेल आफ्नै घरमा सोमबार मृत अवस्थामा फेला परेका छन् ।त्यस्तै अछाम, चौरपाटी गाउँपालिका-१ बस्ने ५० वर्षीय उजिर कामी सोही ठाउँस्थित दयभन्ने स्थानमा सोमबार मृत अवस्थामा फेला परेका छन् ।

यता कपिलवस्तु, बाणगंगा नगरपालिका-६ भगलापुरस्थित बाटो किनारामा सोही नगरपालिका-६ तिनघेरुवा बस्ने ६० वर्षीय कृष्ण बहादुर थारु चौधरी सोमबार मृत अवस्थामा फेला परेका छन् । उता नवलपरासी(पूर्व), मध्यविन्दु नगरपालिका-१२ स्थित नारायणी नदीको किनारामा हाल नाम, थर, वतन नखुलेका अन्दाजी ६० वर्षीय पुरुष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।