देशका विभिन्न स्थानबाट मृत अवस्थामा ४ जना फेला परेका छन् । सुर्खेत, वीरेन्द्रनगर नगरपालिका-११ धुलियाबिट बस्ने ३५ वर्षीय चन्द्र बाहदुर खड्का आफ्नै घर नजिकैको बाँसको झ्याङमा शनिबार मृत अवस्थामा फेला परेका छन् ।

त्यस्तै इलाम, माई नगरपालिका-८ झरना खोलाको बगरमा हाल नाम, थर, वतन नखुलेकी अन्दाजी ५० वर्षीया महिला शुक्रबार मृत अवस्थामा फेला परेकी छिन् । यस्तै दाङ, तुलसीपुर उपमहानगरपालिका-१८ डाँडागाउँस्थित खोल्सामा हाल नाम, थर, वतन नखुलेका अन्दाजी ४० वर्षीय पुरुष शुक्रबार मृत अवस्थामा फेला परेका छन् ।

यसैगरी दार्चुलाको गोकुलेश्वरस्थित चौलानी नदी किनारमा एक महिलाको बेवारिसे शव फेला परेको छ । शैल्यशिखर नगरपालिका –९ गोकुलेश्वरमा चौलानी नदीको किनारमा अन्दाजी २५ वर्षीया महिलाको शव फेला परेको जिल्ला प्रहरी कार्यालय दार्चुलाले जनाएको छ । यस सम्बन्धमा प्रहरीले आवश्यक अनुसन्धान गरिरहेको छ ।