देशका विभिन्न स्थानबाट मृत अवस्थमा ८ जना फेला परेका छन् । लमजुङ, बेसिशहर नगरपालिका-८ बाझाखेतस्थित मर्स्याङ्दी नदीको किनारामा हाल नाम, थर, वतन नखुलेकी अन्दाजी ८ वर्षीया बालिका मंगलबार मृत अवस्थामा फेला परेकी छिन् ।

त्यस्तै कास्की, पोखरा महानगरपालिका-५ मालेपाटन प्रगतीमार्ग बस्ने ५१ वर्षीय जयलाल बराल आफ्नै घरमा मंगलबार मृत अवस्थामा फेला परेका छन् । यता तनहुँ, भानु नगरपालिका-१ साल बिस्ने बस्ने ५० वर्षीय मन बहादुर आले सोही ठाउँस्थित मर्स्याङ्दी नदीको किनारमा मंगलबार मृत अवस्थामा फेला परेका छन् ।

यस्तै सल्यान, छत्रेश्वरि गाउँपालिका-७ तुषारे बस्ने मित्रलाल रानाको घरमा बर्दिया बाँसगढी नगपालिका-८ ककौरा बस्ने ६७ वर्षीय राम बहादुर बिक मंगलबार मृत अवस्थामा फेला परेका छन् । उता ओखलढुंगा, चिसंखुगढी गाउँपालिका-६ भदौरे बस्ने २५ वर्षीय लाल बहादुर बम सोही गाउँपालिका-६ कटहरेबेशीस्थित ठोट्ने खोलाको झोलुङ्गे पुल मुनि मंगलबार मृत अवस्थामा फेला परेका छन् । गत शनिबार घरबाट हिंडी हराई बेपत्ता भएका उनको खोजी गर्ने क्रममा शव फेला परेको हो ।

यता मकवानपुर, हेटौडा उपमहानगरपालिका-१८ गुम्बा डाँडा मुनि रहेको खोल्सामा हाल नाम, थर, वतन नखुलेको अन्दाजी ४५ वर्षीय पुरुष मंगलबार मृत अवस्थामा फेला परेका छन् । त्यस्तै मनाङ, चामे गाउँपालिका-४ नयाँबजारमा हाल नाम, थर, वतन नखुलेको अन्दाजी ५५ वर्षीय पुरुष मंगलबार मृत अवस्थामा फेला परेका छन् ।

त्यसैगरी मोरङ, सुन्दरहरैचा नगरपालिका-९ स्थित सिस्नो घारीमा हाल नाम, थर, वतन नखुलेको अन्दाजी ६५ वर्षीय पुरुष मंगलबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।