देशका विभिन्न स्थानबाट मृत अवस्थामा ४ जना फेला परेका छन् । सिन्धुपाल्चोक, लिसंखुपाखर गाउँपालिका-४ साझाबन घर भई सोही गाउँपालिका-३ बाफल डेरा गरी बस्ने ५६ वर्षीय रामहरी खरेल शनिबार आफ्नै कोठामा मृत अवस्थामा फेला परेका छन् ।

सोही गाउँपालिका-३ वाफलमा रहेको श्री महादेवस्थान आधारभूत विद्यालयका शिक्षक रहेका उनको मृत्युको सम्बन्धमा प्रहरीले थप अनुसन्धान गरिरहेको छ । त्यस्तै काठमाडौं, टोखा नगरपालिका-३ भुतखेल डेरा गरी बस्ने उदयपुर रितु गाउँपालिका- ६ घर भएका ३६ वर्षीय हेम बहादुर जोगी आफ्नै डेरा कोठामा शनिबार मृत अवस्थामा फेला परेका छन् ।

यस्तै बझाङ, थलारा गाउँपालिका-३ लामातोलास्थित सेती नदीमा दुर्गाथली गाउँपालिका-१ बस्ने ७६ वर्षीया जौमती सार्की शुक्रबार मृत अवस्थामा फेला परेकी छिन् । यता सुर्खेत, वीरेन्द्रनगर नगरपालिका-१४ सालडाँडा बस्ने ७१ वर्षीय देवराज भट्टराई आफ्नै घर नजिक शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।