नवकान्तिपुर संवाददाता
काठमाडौं, १६ माघ ।
ललितपुरको सातदोबाटो नजिक ट्याक्सी र कार ठोक्किँदा २ जनाको मृत्यु भएको छ भने ६ जना घाइते भएका छन् । आइतबार राति कोटेश्वरबाट सातदोबाटोतर्फ आइरहेको बा २ ज ३४२० नम्बरको ट्याक्सी र विपरीत दिशातर्फ गइरहेको बा ४ च १ नम्बरको कार एक आपसमा ठोक्किएको हो ।
दुर्घटनामा परी मृत्यु हुनेमा ट्याक्सीमा सवार सरोजकुमार विक र कारमा सवार धनबहादुर बस्नेत रहेको प्रहरीले जनाएको छ । उक्त घटनामा परी दुवै सवारी साधनमा सवार छ यात्रु घाइते भएको ललितपुर जिल्ला प्रहरी कार्यालयका प्रमुख वरिष्ठ प्रहरी उपरीक्षक यज्ञविनोद पोखरेलले जानकारी दिए ।
घाइते भएका यात्रुको बिएण्डबी अस्तापलमा उपचार भइरहेको छ ।
