महोत्तरीबाट स्रोत नखुलेको नगद सहित एक जना पक्राउ परेका छन् । महोत्तरी मनराशिस्वा नगरपालिका-२ कट्टिगाउँस्थित सडकबाट स्रोत नखुलेको नेपाली नगद ४ लाख ५० हजार रूपैयाँ सहित प्रहरीले सोमबार एक जनालाई पक्राउ गरेको हो ।

पक्राउ हुनेमा भारत सितामढी बेलाथाना, सिरसिया गाउँ बस्ने ३० वर्षीय अनिकेत साह रहेका छन् । प्रहरी चौकी इटहर्वाकट्टीबाट खटिएको प्रहरीले नेपालबाट भारततर्फ जाँदै गरेको बिआर ३० भि १७३७ नम्बरको मोटरसाइकललाई जाँच गर्ने क्रममा चालक साहको साथबाट उक्त नगद फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।