नवकान्तिपुर संवाददाता
काठमाडौं, २४ माघ ।
प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच भेट भएको छ । आज (मंगलबार)प्रधानमन्त्री निवास बालुवाटारमा प्रधानमन्त्री प्रचण्ड र ओलीबीइच भेटवार्ता भएको हो ।
भेटमा राष्ट्रपति निर्वाचन, सरकार सञ्चालन, समसामयिक राजनीतिकलगायतका विषयमा छलफल भएको प्रधानमन्त्रीको सचिवालयले जनाएको छ । त्यस्तै भेटमा राष्ट्रिय स्वतन्त्र पार्टी सरकारबाट बाहिरिएपछि मन्त्रिपरिषद् विस्तार गर्ने विषयमा पनि छलफल भएको छ ।
रास्वपाले सरकार छाडेसँगै अहिले प्रधानमन्त्री आफैंले ५ मन्त्रालय सम्हालेका छन् । त्यस्तै यो अवस्थामा अब कसरी अगाडि बढ्ने भन्ने विषयमा प्रधानमन्त्री दाहाल र एमाले अध्यक्ष ओलीबीच कुराकानी भएको बुझिएको छ ।
