देशका विभिन्न स्थानबाट मृत अवस्थामा ६ जना फेला परेका छन् । रोल्पा, लुङ्ग्री गाउँपालिका-४ नाम्जास्थित घोपीखोलाको बाटो भन्दा करिब ७ सय मिटर तल भिरमा सोही ठाउँ बस्ने ४२ वर्षीया मन कुमारी खडका बिहीबार मृत्त अवस्थामा फेला परेकी छन् ।

त्यस्तै पर्सा, वीरगंज महानगरपालिका-१६ स्थित नेपालतर्फ दशगजा क्षेत्रमा हाल नाम, थर, वतन नखुलेकी अन्दाजी ५० वर्षीया महिला बिहीबार मृत अवस्थामा फेला परेकी छिन् । यता ताप्लेजुङ, फक्ताङलुङ गाउँपालिका-६ मादेबुङ बस्ने गणेश लिम्बुकी छोरी ६ वर्षीया सोनीया लिम्बु सोही ठाउँस्थित आयुजिम्बा खोलामा बिहीबार मृत अवस्थामा फेला परेकी छिन् ।

यस्तै मकवानपुर, थाहा नगरपालिका-९ चित्लाङस्थित सडक छेउको नालीमा सोही ठाउँ बस्ने ४५ वर्षीया बसन्ती वलामी बिहीबार मृत अवस्थामा फेला परेकी छन् । उता ताप्लेजुङ, फुङलिङ नगरपालिका-८ दोखु घर सोही नगरपालिका-७ बस्ने सिता लिम्बुको घरमा डेरा गरी बस्ने ३६ वर्षीया शर्मिला तामाङ आफ्नै कोठामा बिहीबार मृत अवस्थामा फेला परेकी छन् ।

यता धादिङ, त्रिपुरासुन्दरी गाउँपालिका-७ खहरे बस्ने २५ वर्षीय सुरेश गुभाजु आफ्नै घरको कोठमा बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिररहेको छ ।