देशका विभिन्न स्थानबाट मृत अवस्थामा १० जना फेला परेका छन् । ललितपुर, ललितपुर महानगरपालिका-२४ धापाखेल सुभ एकता टोल बस्ने ४९ वर्षीय श्याम प्रसाद लावती आफ्नै घरको कोठामा शनिबार मृत अवस्थामा फेला परेका छन् ।

त्यस्तै सल्यान, छत्रेश्वरी गाउँपालिका-५ बागबजार जुमकोट बस्ने ७४ वर्षीय चित्रमान खत्री सोही ठाउँस्थित खेतमा शनिबार मृत अवस्थामा फेला परेका छन् । यता पाल्पा, रैनादेवी छहरा गाउँपालिका-७ र ८ स्थित कन्चन खोलामा सोही गाउँपालिका-७ जोगदमार बस्ने १७ वर्षीय भिम बहादुर राना शनिबार मृत अवस्थामा फेला परेका छन् ।

यस्तै सल्यान, शारदा नगरपालिका-१ श्रीनगरस्थित सुके खोलाको छेउमा सोही ठाउँ बस्ने ५५ वर्षीय यज्ञ बहादुर राई शनिबार मृत अवस्थामा फेला परेका छन् । उता धनकुटा, महालक्ष्मी नगरपालिका-४ जिमीगाउँ बस्ने ३५ वर्षीया चन्द्रमाया मगर आफ्नै घरमा शनिबार मृत अवस्थामा फेला परेकी छिन् ।

त्यसैगरी संखुवासभा, खाँदबारी नगरपालिका-९ तुम्लिङटार डेरा गरी बस्ने भोजपुर षडानन्द नगरपालिका-१० घर भएकी ३७ वर्षीया सम्झना राई खाँदबारी नगरपालिका-९ सिदुरे पुछारस्थित अरुण नदीमा शनिबार मृत अवस्थामा फेला परेकी छिन् । यसैगरी, संखुवासभा, पाँचखपन नगरपालिका-२ रिठ्ठे याङ्मा दोभान बस्ने ६६ वर्षीय बीर बहादुर भन्ने मणी कुमार राई सोही ठाउँस्थित बगरमा शनिबार मृत अवस्थामा फेला परेका छन् ।

यता सर्लाही, हरिवन नगरपालिका-१० धरहरा बजारमा हाल नाम, थर, वतन नखुलेका अन्दाजी ६५ वर्षीय पुरुष गएराति मृत अवस्थामा फेला परेका छन् । यस्तै काठमाडौं, काठमाडौं महानगरपालिका-८ पशुपतिस्थित दक्षिणा मूर्ती नजिकै हाल नाम, थर, वतन नखुलेका अन्दाजी ४० वर्षीय पुरुष शनिबार मृत अवस्थामा फेला परेका छन् ।

त्यस्तै पर्वत, कुश्मा नगरपालिका-१ मालढुङगास्थित कालीगण्डकी नदीमा हाल नाम, थर, वतन नखुलेका अन्दाजी ३५ वर्षीय पुरुष शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।