नवकान्तिपुर संवाददाता
काठमाडौं, ११ वैशाख ।
पछिल्लो मत परिणामअनुसार चितवन २ मा रवि लामिछाने, तनहुँ १ मा स्वर्णिम वाग्ले र बारा २ मा उपेन्द्र यादवको अग्रता कायमै रहेको छ ।
चितवन २ मा रास्वपाका रवि लामिछानेले ६५६८ मत प्राप्त गर्दा एमालेका रामप्रसाद न्यौपानेले २८६१ तथा नेपाली काङ्गे्रसका जितनारायण श्रेष्ठले २६८८ मत पाएका छन् ।
तनहुँ १ मा रास्वपाका स्वर्णिम वाग्लेले २४४०६ मत प्राप्त गर्दा नेपाली काङ्ग्रेसका गोविन्द भट्टराईले १४१८२ मत तथा एमालेका सर्वेन्द्र खनालले ७०२६ मत प्राप्त गरेका छन् ।
यसैगरी, बारा २ मा जनता समाजवादी पार्टीका उपेन्द्र यादवले २९५४ मत प्राप्त गर्दा जनमत पार्टीका शिवचन्द्र प्रसाद कुशवाहाले २३०४ मत तथा एमालेका पुरुषोत्तम पौडेलले १००४ मत पाएका छन् ।
