देशका विभिन्न स्थानबाट मृत अवस्थामा ६ जना फेला परेका छन् । ललितपुर, महालक्ष्मी नगरपालिका-७ चागाथलीमा भक्तपुर सूर्यबिनायक नगरपालिका-३ घर भएका ६० वर्षीय राजेन्द्र खत्री बिहीबार मृत अवस्थामा फेला परेका छन् ।

यसैगरी ललितपुर, महालक्ष्मी नगरपालिका-५ टिकाथली इनारचोक बस्ने ३८ वर्षीय दिपक दाहाल सोही ठाउँस्थित साग बारीमा बिहीबार मृत अवस्थामा फेला परेका छन् । यता ताप्लेजुङ, सिरीजंघा गाउँपालिका-५ पेदाङ याङपाङ बस्ने ४४ वर्षीय भीम प्रसाद खतिवडा सोही ठाउँस्थित याङपाङ जंगलमा बिहीबार मृत अवस्थामा फेला परेका छन् ।

त्यस्तै चितवन, भरतपुर महानगरपालिका-२९ भतेरी बस्ने धादिङ गल्छी गाउँपालिका-८ घर भएका ३६ वर्षीय विश्वनाथ रिजाल सोही ठाउँमा बिहीबार मृत अवस्थामा फेला परेका छन् । यसैगरी चितवन, इच्छाकामना गाउँपालिका-४ पानीधारास्थित मन्दिर छेउमा हाल नाम, थर, वतन नखुलेका करिब ६५ वर्षीय पुरुष बिहीबार मृत अवस्थामा फेला परेका छन् ।

यस्तै धनुषा, नगराइन नगरपालिका-४ स्थित फुलगामा सडक-खण्डमा हाल नाम, थर, वतन नखुलेका करिब ५० वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।