देशका विभिन्न स्थानबाट मृत अवस्थामा ६ जना फेला परेका छन् । कास्की, पोखरा महानगरपालिका-२ बाग्लुङ बसपार्कमा स्याङ्जा टक्सार घर बताउने ६० वर्षीय दिल बहादुर गुरुङ शुक्रबार मृत अवस्थामा फेला परेका छन् ।

त्यस्तै गुल्मी, इस्मा गाउँपालिका-२ सामाचौर बस्ने ३७ वर्षीया माया खत्री सोही ठाउँस्थित छल्दी खोलाबाट भलायटारी जाने कुलोमा शुक्रबार मृत अवस्थामा फेला परेकी छिन् । यता बझाङ, छबिसपाथिभेरा गाउँपालिका-१ तलीचौरस्थित सेती नदीको दोभानमा बझाङ छबिसपाथिभेरा गाउँपालिका-१ सुङगाला बस्ने ५५ वर्षीय परु गिरी बिहीबार मृत अवस्थामा फेला परेका छन् ।

यस्तै झापा, शिवसताक्षी नगरपालिका-६ निपतिया बस्ने ६५ वर्षीय शान्ति माया प्रधान सोही ठाउँस्थित खेतमा तोरीको कुनौरोभित्र बिहीबार मृत अवस्थामा फेला परेकी छिन् । त्यसैगरी काठमाडौं, काठमाडौं महानगरपालिका-१६ माछापोखरी भलिवल ग्राउण्ड नजिक ताप्लेजुङ्ग घर भई हाल काठमाडौं माछापोखरी एरियामा मागी खाई हिड्ने ४५ वर्षीया अनुपा राई बिहीबार मृत अवस्थामा फेला परेकी छिन् ।

यता संखुवासभा, चिचिला गाउँपालिका-३ खाकादुमस्थित अरुण तेस्रो जलबिद्युत आयोजनाको एसएसएनआर कम्पनीमा काम गर्ने काठमाडौं चन्द्रगिरी नगरपालिका-९ बहालचोक बस्ने ४० वर्षीय रमेश लामा भन्ने सानुकान्छा तामाङ आफ्नै कोठामा बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।