देशका विभिन्न स्थानबाट मृत अवस्थामा ७ जना फेला परेका छन् । नुवाकोट, बेलकोटगढी नगरपालिका-५ मिनि चुर्तुरभुजस्थित कोल्फु खोलामा हाल नाम, थर, वतन नखुलेका अन्दाजी ४५ वर्षीय पुरुष आइतबार मृत अवस्थामा फेला परेका छन् ।

त्यस्तै तनहुँ, आबुखैरेनी गाउँपालिका-२ मार्किचोकस्थित मर्स्याङ्दी जलविद्युत ड्यामको किनारामा हाल नाम, थर, वतन नखुलेका अन्दाजी ३० वर्षीय पुरुष सोमबार मृत अवस्थामा फेला परेका छन् । यता नवलपरासी(पश्चिम), बर्दघाट नगरपालिका-५ वण्डाखोलास्थित बिद्युत कार्यालयले बनाइदिएको कोठामा बस्ने गोरखा धार्चे गाउँपालिका-१ हुलचुल घर भएका ५५ वर्षीय कल्ल गुरुङ आफ्नै कोठामा आइतबार मृत अवस्थामा फेला परेका छन् ।

यस्तै धादिङ, धुनिबेशी नगरपालिका-५ थाक्रे खोला पुल मुनी नुवाकोट बेलकोटगढी नगरपालिका-३ कुमरी बस्ने ३४ वर्षीय जयकृष्ण वयलकोटी आइतबार मृत अवस्थामा फेला परेका छन् । उता गोरखा, चुमनुर्ब्री गाउँपालिका-४ नामरुङ बस्ने ४५ वर्षीय दोर्जे ग्याल्जोङ लामा आफ्नो घरमा शनिबार मृत अवस्थामा फेला परेका छन् ।

यता गुल्मी, सत्यवती गाउँपालिका-५ साहाघाट बस्ने ४५ वर्षीय कमल सारू सत्यवती गाउँपालिका-४साहाघाटस्थित सडक छेउको नालीमा आइतबार मृत अवस्थामा फेला परेका छन् । यसैगरी मोरङ, कानेपोखरी गाउँपालिका-६ बिहिबारे बस्ने ५० वर्षीय भक्त बहादुर मंग्रान्ती सोही ठाउँस्थित ज्यामिरे खोल्सीमा आइतबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।