सिम्रिक एयरको हेलिकप्टर सङ्खुवासभामा दुर्घटना भएको छ । आज (शुक्रबार) सिम्रिक एयरको हेलिकप्टर अवतरणका क्रममा दुर्घटना भएको हो ।

हेलिकप्टर दुर्घटनामा दुई जना घाइते भएको कोशी प्रदेश प्रहरी कार्यालयले जनाएको छ । घाइते हुनेमा हेलिकप्टर चालक विनोद पौडेल र एक स्थानीय रहेका छन् ।

हेलिकप्टर भोटखोला गाउँपालिका वडा नम्बर ४ मा दुर्घटनाग्रस्त भएको थियो । माथिल्लो अरुण जलविद्युत् परियोजनाको सामग्री ढुवानी गरेर गएको हेलिकप्टर दुर्घटनामा परेको हो । उद्धारका लागि नेपाल आर्मी र प्रहरी घतान्स्थल पुगिसकेका छन् ।