देशका विभिन्न स्थानबाट मृत अवस्थामा ७ जना फेला परेका छन् । स्याङजा, गल्याङ नगरपालिका-१ उत्तरबाहिनीस्थित कालीगण्डकी नदीको किनारमा वालिङ नगरपालिका-२ धाउखोला बस्ने ५९ वर्षीय राम बहादुर सार्की बिहीबार मृत अवस्थामा फेला परेका छन् ।

त्यस्तै सर्लाही, चन्द्रनगर गाउँपालिका-३ बरकुर्वास्थित खेतमा सोही गाउँपालिका-७ बस्ने ५५ वर्षीय पल्टु सिंह दनुवार बिहीबार मृत अवस्थामा फेला परेका छन् । यता सप्तरी, महदेवा गाउँपालिका-४ डाँडा टोलस्थित सार्वजनिक पोखरीमा तिरहुत गाउँपालिका-५ लोहजरा सदा टोल बस्ने ६५ वर्षीय यदु सदा शुक्रबार मृत अवस्थामा फेला परेका छन् ।

यस्तै मोरङ, सुन्दरहरैचा नगरपालिका-३ आईतबारेस्थित एक घरको बाहिर बरण्डामा सुनसरी धरान उपमहानगरपालिका-१८ घर भएका २७ वर्षीय कृष्ण राई शुक्रबार मृत अवस्थामा फेला परेका छन् । उता झापा, झापा गाउँपालिका-६ शरणामती बस्ने ४० वर्षीया पुजा दर्नाल आफ्नै कोठामा शुक्रबार मृत अवस्थामा फेला परेकी छिन् ।

यता काठमाडौं, काठमाडौं महानगरपालिका-२७ महाबौद्धस्थित सडक बाटो संगैको सिढीमा हाल नाम, थर, वतन नखुलेका अन्दाजी ६० वर्षीय पुरुष बिहीबार मृत अवस्थामा फेला परेका छन् । यस्तै सुनसरी, इटहरी उपमहानगरपालिका-४ स्थित सडक छेउमा हाल नाम, थर, वतन नखुलेका अन्दाजी ५२ वर्षीय पुरुष शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।