देशका विभिन्न स्थानबाट मृत अवस्थामा ४ जना फेला परेका छन् । काठमाडौं, तारकेश्वर नगरपालिका-९ मनमैजु बासुकिनाग टोल डेरा गरी बस्ने पाल्पा निस्दी गाउँपालिका-३ घर भएकी ४९ वर्षीया रिसङ तामाङ आफ्नै कोठामा सोमबार मृत अवस्थामा फेला परेकी छिन् ।

यसैगरी काठमाडौं महानगरपालिका-९ सिनामंगल भत्केको पुलस्थित बागमती खोला किनारमा हाल नाम, थर, वतन नखुलेकी अन्दाजी ४० वर्षीया महिला सोमबार मृत अवस्थामा फेला परेकी छिन् । त्यस्तै ओखलढुंगा, मोलुङ गाउँपालिका-७ पात्ले बस्ने ३५ वर्षीया युटी शेर्पा आफ्नै घरमा सोमबार मृत अवस्थामा फेला परेका छन् ।

यस्तै बारा, कोल्हबी नगरइपालिका-१० बेलवा बस्ने ४० वर्षीय महेश माझी सोही ठाउँस्थित जमुनी खोलामा सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।