देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-३ बसुन्धारा डेरा गरी बस्ने रामेछाप उमाकुण्ड गाउँपालिका-३ घर भएका ३० वर्षीय वीर बहादुर थापा आफ्नै कोठा।मा बुधबार मृत अवस्थामा फेला परेका छन् ।

त्यस्तै सुनसरी, बराहक्षेत्र नगरपालिका-८ स्थित भक्त चोक नजिक जमेको पानीमा सोही ठाउँ बस्ने ४५ वर्षीया रत्न कुमारी विष्ट बुधबार मृत अवस्थामा फेला परेकी छन् । यता इलाम, सन्दकपुर गाउँपालिका-४ खोर्सानीटारस्थित खोल्सामा सोही गाउँपालिका-२ बस्ने ६२ वर्षीय मनबीर राई बुधबार मृत अवस्थामा फेला परेका छन् ।

यस्तै बर्दिया, ठाकुरबाबा नगरपालिका-२ कर्णाली चिसापानी पुल नजिक हाल नाम, थर, वतन नखुलेका करिब ५० वर्षीय पुरुष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।