देशका विभिन्न स्थानबाट मृत अवस्थामा ५ जना फेला परेका छन् ।काठमाडौं महानगरपालिका-१५ स्वयम्भू कारखाना चोक डेरा गरी बस्ने गोरखा चु ननुम्री गाउँपालिका-५ घर भएका ४८ वर्षीय नवाङ लामा आफ्नै कोठामा शुक्रबार मृत अवस्थामा फेला परेका छन् ।

त्यस्तै बाँके, नेपालगंज उपमहानगरपालिका-९ श्रदानगर डेरा गरी बस्ने कोहलपुर नगरपालिका-६ रझेना बस्ने २२ वर्षीया सुमन्त रानी थारु आफ्नै कोठामा शुक्रबार मृत अवस्थामा फेला परेकी छन् ।

यता काठमाडौं, तारकेश्वर नगरपालिका-१० मनमैजु लोकतान्त्रिक चोक डेरा गरी बस्ने सोलुखुम्बु नेटासल्यान गाउँपालिका-५ घर भएका ५२ वर्षीय थपी बहादुर शंकर आफ्नै कोठामा बिहीबार मृत अवस्थामा फेला परेका छन् ।यस्तै तनहुँ, देबघाट  गाउँपालिका-५ बोटे टोल बस्ने ५० वर्षीय टेक बहादुर कोईराला आफ्नै घरमा बिहीबार मृत अवस्थामा फेला परेका छन् ।

त्यसैगरी बारा, जितपुरसिमरा उपमहानगरपालिका-२१ आधाभार जंगलमा हाल नाम, थर, वतन नखुलेका अन्दाजी ३० वर्षीय पुरुष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।