देशका विभिन्न स्थानबाट मृत अवस्थामा ४ जना फेला परेका छन् । संखुवासभा, सिलिचोङ गाउँपालिका-३ स्थित संखुवा खोलामा सोही गाउँपालिका-२ बाला बस्ने ३९ वर्षीय मुक्रम राई शनिबार मृत अवस्थामा फेला परेका छन् ।

त्यस्तै सप्तरी, रुपनी गाउँपालिका-१ रुपनीमा शम्भुनाथ नगरपालिका-२ खयरबाना टोल बस्ने २२ वर्षीय मो. टायफुजुल शनिबार मृत अवस्थामा फेला परेका छन् । यता झापा, बिर्तामोड नगरपालिका-५ एकता टोलस्थित मकैबारीमा हाल नाम, थर, वतन, लिङ्ग नखुलेका अन्दाजी ८५ वर्षीय मानिस शनिबार मृत अवस्थामा फेला परेका छन् ।

यस्तै काठमाडौं महानगरपालिका-१५ स्वयम्भू कारखाना चोक डेरा गरी बस्ने गोरखा चुननुम्री गाउँपालिका-५ घर भएका ४८ वर्षीय नवाङ लामा आफ्नै कोठामा शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।