देशका विभिन्न स्थानबाट मृत अवस्थामा ५ जना फेला परेका छन् । सर्लाही, गोडैता नगरपालिका-६ स्थित बागदह चिनी मिल नजिकै रहेको उखुबारीमा बलरा नगरपालिका-९ बस्ने २९ वर्षीय अशोक महतो बिहीबार मृत अवस्थामा फेला परेका छन् ।

त्यस्तै स्याङ्जा, गल्याङ नगरपालिका-५ आँधी दोभानमा हाल नाम, थर, वतन नखुलेका अन्दाजी ६५ वर्षीय पुरुष बिहीबार मृत अवस्थामा फेला परेका छन् । यता मोरङ, विराटनगर महानगरपालिका-१५ राम जानकी मन्दिर नजिकै हाल नाम, थर, वतन नखुलेका अन्दाजी ५० वर्षीय पुरुष बिहीबार मृत अवस्थामा फेला परेका छन् ।

यस्तै बाँके, खजुरा गाउँपालिका-१ जलपोखरी किरण नालामा हाल नाम, थर, वतन नखुलेका अन्दाजी ४५ वर्षीय पुरुष बिहीबार मृत अवस्थामा फेला परेका छन् । उता महोत्तरी, गौशाला नगरपालिका-२ निगौल चोकमा हाल नाम, थर, वतन नखुलेका अन्दाजी ६५ वर्षीय पुरुष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।