पूर्वीरुकुमको हुकाम केन्द्रविन्दु भएर भूकम्प गएको छ । आज (आइतबार) बिहान २ः५९ बजे पूर्वीरुकुमको हुकाम केन्द्रविन्दु भएर भूकम्प गएको हो ।

राष्ट्रिय भूकम्प मापन तथा अनुसन्धान केन्द्र लैनचौरले  पूर्वीरुकुमको हुकामगाउँ वरपर केन्द्रविन्दु भएर चार दशमलव एक रेक्टरस्केलको भूकम्प गएको जनाएको छ ।

यसअघि बाजुरा जिल्लाको विछिया केन्द्रविन्दु भएर गत वैशाख २१ गते चार दशमलव एक रेक्टरस्केलको भूकम्प गएको थियो । नेपालको हिमाली तथा पहाडी क्षेत्रलाई भूकम्पको जोखिम क्षेत्रका रूपमा लिने गरिन्छ ।