देशका विभिन्न स्थानबाट मृत अवस्थामा ४ जना फेला परेका छन् । कपिलवस्तु, मायादेवी गाउँपालिका-५ सिसवास्थित खेतमा भारत घर भएका ४० वर्षीय गोठे भन्ने सत्ते प्रकाश तिवारी शनिबार मृत अवस्थामा फेला परेका छन् ।

त्यस्तै पर्सा, जगरनाथपुर गाउँपालिका-६ प्रसौनी बस्ने १५ वर्षीय निरन्जन कुमार पटेल कुर्मी आफ्नै घरमा शनिबार मृत अवस्थामा फेला परेका छन् । यता डोल्पा, छार्का ताङ्सोङ गाउँपालिका-२ ताल भन्ने स्थानमा हाल नाम, थर, वतन नखुलेका ४२ वर्षीय पुरुष शनिबार व्यक्ति मृत अवस्थामा फेला परेका छन् ।

यस्तै रुपन्देही, मायादेवी गाउपालिका-२ पिपराहवा बस्ने २४ वर्षीय पिन्टु लोध सोही ठाउँस्थित कोइलाहवा नदीको सुख्खा नालामा शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।