देशका विभिन्न स्थानबाट मृत अवस्थामा ४ जना फेला परेका छन् । रौतहट, गौर नगरपालिका-२ भन्सार नाकास्थित नालीमा भारत बिहार सितामढी बैरगनिया-११ बस्ने ३९ वर्षीय संजय कुमार पटेल बुधबार मृत अवस्थामा फेला परेका छन् ।

यसैगरी रौतहट, देवाही गोनाही नगरपालिका-१ करुनियास्थित बाटोमा सोही ठाउँ बस्ने ७५ वर्षीय शेख तैयब बिहीबार मृत अवस्थामा फेला परेका छन् । घटनाको थप अनुसन्धानको लागि जिल्ला प्रहरी कार्यालय रौतहटबाट खटिएको प्रहरीले २ जनालाई नियन्त्रणमा लिएको छ ।

त्यस्तै मोरङ, कटहरी गाउँपालिका-१ झरझरिया टोलस्थित सडक छेउमा हाल नाम, थर, वतन नखुलेका अन्दाजी ५५ वर्षीय पुरुष बुधबार मृत अवस्थामा फेला परेका छन् । यस्तै उदयपुर, बेलका नगरपालिका-८ स्थित आले भन्ने ठाउँमा हाल नाम, थर, वतन नखुलेका अन्दाजी ७० वर्षीय पुरुष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ